بهار واگرده

 بهار واگرده

 

 

دِلُم شَوی کِه دووارَه بَهار واگَرده	دِلُم اَخُت خُتِ کَی بُو قَرار واگَردِه
پَسین بِبُو و بِبینِم کِه اَز پَسِ قَعلَه	غُلوم وا خَر و خُورَ سُوار واگَرده
خدابُکُن کِه وَسُی تَپ تَپیِ تَشِ روشن	بَواجی وا پِشِ اُشک و خَشارواگَرده
خدابُکُن کِه صَدَی کَوگ وکفترُقُمری	دووارَه وا مِنِ شاخَی کُنار واگَرده
دووارَه دِل مَ تِکِ دوغ و مَسکَیِ مَشکِ	خدا بُکُن کِه کَلِنگ و تَغار واگَرده
رُزی بیا کِه وَجَی اَخم و تَخم و چَشکاچُو	خَنَی کِه اَز لَبُم اُشکِه فِرار واگَرده
دووارَه بِرکَه بِبُو پُر اَتَختِ بِر کَیّا	دووارَه کَندَر و پیپِ  قَطار واگَرده
دِلُم پُراِسّی و کُو کُو اَزِتایم کِه یَک وَختی	خدا دِلُش بِسُخِ و شَهرِلار واگرده

 

منبع:خر زهره